ياخشى سۆز سەدىقىدۇر

پەيغەمبەر سەللەللاھۇ ئەلەيھى ۋەسسەللەم مۇنداق دېگەن:

«قۇياش چىقىپ تۇرىدىغان ھەر كۈنى كىشلەرنىڭ ھەر بىر ئۈگىلىرىگە سەدىقە كېلىدۇ. ئىككى ئادەمنىڭ ئوتتۇرىسىدا ئادىل ھۆكۈم قىلغىنىڭمۇ سەدىقىدۇر. بىر كىشىنىڭ ئۇلىغىغا مىنىۋېلىشىغا ياردەم بېرىشىڭمۇ ياكى ئۇ ئادەم ئۈچۈن ئۇلىغىغا يۈك-تاقلىرىنى ئارتىپ بېرىشىڭمۇ سەدىقىدۇر. ياخشى سۆزمۇ سەدىقىدۇر. نامازغا ماڭغان ھەر بىر قەدەممۇ سەدىقىدۇر. يولدىن ئەزىيەت يەتكۈزىدىغان بىرەر نەرسىنى ئېلىۋىتىشىڭمۇ سەدىقىدۇر.» ــ بۇخارى ۋە مۇسلىم رىۋايەت قىلغان.